На состанокот на Независната регулаторна Група (IRG) во Будимпешта, одржан на ден 4 Октомври 2024 година, Директорот на Агенцијата за електронски комуникации Јетон Акику беше избран со консензус за заменик претседател на IRG за 2025 година . Во оваа група на независни регулаторни тела од областа на електронските комуникации (Independent Regulatory Group) членуваат 37 регулаторни тела, како од земјите членки на Европската Унија, така и од Албанија, Велика Британија , Црна Гора , Исланд , Србија , Турција и Македонија.
Агенцијата за електронски комуникации е членка во оваа група од 2007 година и ова е највисокиот облик на соработка и комуникација остварен како членка на оваа заедница и како претставник на регулаторно тело од Република Северна Македонија. Во рамките на состаноците на оваа група на независни регулаторни тела се врши размена на најдобри искуства и практики, бенчмаркинг, управување со научени техники , воспоставување на заеднички процеси, организирање обуки и тренинзи како и отварање на поле за одвивање на исцрпни и напредни дискусии за сегашните и идните регулаторни предизвици во областа на електронските комуникации.