На покана на претседателот на Комисијата на АЕК Проф.Д-р. Орце Симов и директорот на АЕК Јетон Акику, на ден 06.02.2026 година во седиштето на АЕК се одржа состанок на кој присуствуваа претседателот на Советот на РАТЕЛ ( Регулаторната Агенција за електронски комуникации и поштенски услуги на Република Србија ) Драган Ковачевиќ , директорот на РАТЕЛ Драган Пејовиќ и техничкиот директор м-р Драгољуб Стефановиќ.
На оваа средба, која се одвиваше во присуство и на останатите членови на Комисијата на АЕК, беа разгледувани теми од областа на регулацијата на електронските комуникации фокусирајќи се на соработката и инклузивноста на општествата со воведувањето и унапредувањето на технолошки напредните процеси како и делувањето во регионалната заедница и идните аспекти на регулација и делување со актуелните предизвици и воведувањето на вештачката интелигенција . Исто така на агендата на разгледување беа и аспектите на координација на групите за радиофреквенциските опсези и понатамошното нивно делување, како и роаминг показателите и статусот на транспонирање на Европските регулативи со домашното законодавство.
Потврдена и етаблирана беше взаемната соработка на овие две соседни регулаторни тела ( АЕК и РАТЕЛ) преку воспоставување на повеќе работни групи од нивниот делокруг на надлежност, кои континуирано ќе работат користејќи ги најдобрите практики и потпирајќи се на заеднички слични околности и изнајдени решенија. Двете страни се согласија досегашната соработка која е континуирана – да продолжи како на ниво на стручни служби, така и на највисоко ниво на менаџерскиот естаблишмент на регулаторните тела.
