Агенцијата за електронски комуникации го организира својот II Jавен состанок на 25.12.2025 година со почеток во 10:30 часот. По тој повод, Ве покануваме во Административната зграда на АЕК – Бизнис сала, VI кат (адреса: Kеј Димитар Влахов бр. 21, Скопје) да учествувате и да се запознаете со реализацијата на активностите и исполнувањето на целите од годишната програма за работа како и со идните планови и стратегии на Агенцијата.
Особена чест и задоволство ќе ни биде доколку со свои претставници присуствувате на овој настан и со размена на ставови и мислења дадете придонес во унапредувањето на работата на Агенцијата и во нашата заедничка соработка која се одвива во најдинамичната сфера на целокупното општествено живеење во нашата држава и во светот.
Почитувајќи го принципот на своето транспарентно работење, Агенцијата за електронски комуникации го организира овој состанок со цел да им овозможи на сите чинители и заинтересирани страни да се информираат и запознаат со нејзините активности во годината која изминува и плановите и стратегиите за наредниот период .
Во прилог Ви доставуваме Агенда и формулар за регистрација кој треба да го пополните и доставите до АЕК најдоцна до 24 Декември 2025 година на следните е-mail адреси:
За сите останати прашања контакт лице е Елизабета Двојакова (е-mail: ) .
Во очекување на Вашето присуство срдечно Ве поздравуваме.
Презентации
