Агенцијата за електронски комуникации (АЕК) започна нов циклус на имплементација на Заедничката рамка за оценување (CAF), значаен процес насочен кон континуирано подобрување на квалитетот, организациските перформанси и услугите што ги обезбедува институцијата.
Овој процес се реализира во рамките на заложбите на АЕК за унапредување на стандардите за управување со квалитетот и зајакнување на институционалните капацитети, со фокус на зголемување на ефикасноста и транспарентноста во работењето.
АЕК изразува посебна благодарност до Министерството за јавна администрација и Регионалната школа за јавна администрација (ReSPA) за нивната континуирана поддршка во реализацијата на овој значаен процес. Посебна благодарност упатуваме и до Славен Букарица, службеник за управување со квалитет, Емилија Д. Георгиева и Игор Марковски, CAF експерт, за нивната професионалност, експертиза и одлична соработка во почетната фаза на имплементацијата.
Раководството и CAF тимот во АЕК покажаа високо ниво на посветеност и подготвеност за прифаќање на најдобрите европски практики во управувањето со квалитетот, создавајќи цврста основа за понатамошен институционален развој.
АЕК останува посветена на овој пат кон организациска извонредност и ќе продолжи со реализацијата на предвидените активности во рамките на новиот CAF циклус.
